ప్రియమైన నా...... నీకు--1

ప్రియమైన నా...... నీకు
ఏదో చెపుదామని ఎదురుగా వస్తే మాట తడబడిపోతుంది।తియ్యని కలలు మాత్రం మదిలోనే మిగిలిపోతున్నయి.అవి ఎప్పటికి నిజమౌతాయో తెలియదు!.ఎప్పటికైనా నా ఆశలు పూలు పూస్తాయన్న ఆశ మాత్రం తగ్గటం లేదు. బహుశా ఇది నీ పరిచయ ఫ్రభావం కావచ్చు.

నిన్ను ప్రశ్నించే ధైర్యం చాలటం లేదు- ప్రేమిస్తున్నావా అని?నేను మాత్రం ఇస్తూనే ఉన్నాను ప్రేమని-మౌనంగా.కనీసం కళ్లతోనైనా స్వీకరించు మిత్రమా. ఇది రంగుల కల కాదు ప్రియా, మనసులో అలజడి. నాకు మాత్రమే వినిపించే తియ్యని సవ్వడి. ఎంత ప్రేమ- ఇస్తున్నవు? ఎందుకు ప్రేమ- ఇస్తావు? అని నన్ను నేను ప్రశ్నించుకోను. ఎందుకంటే అవి చెప్పలేని సమాదానాలు. బహుశా ఒక చిన్న స్పర్శతో అన్నింటికీ ఒకేసారి సమాదానం చెప్పగలనేమో?.ఒక్కసారి ముట్టుకోనీ మిత్రమా, నేను నా ప్రేమని-ఇస్తున్నాను అన్న భావాన్ని ఏ చెడు ఉద్దేశ్యము లేకుండా వ్యక్త పరచటానికి మాత్రమే. ఎందుకంటే మాటతో చెప్పలేని దాన్ని మౌనంగా స్పర్శతో చెప్పగలను అన్న నమ్మకంతో.